Karnataka Tourism Awards-2026: ಕರ್ನಾಟಕ ಟೂರಿಸಂ ಅವಾರ್ಡ್ಸ್-2026ಕ್ಕೆ ಅರ್ಜಿ ಆಹ್ವಾನ

ಬೆಂಗಳೂರು: ರಾಜ್ಯದ ಪ್ರವಾಸೋದ್ಯಮ ಇತಿಹಾಸದಲ್ಲಿ, ಇದೇ ಮೊದಲ ಬಾರಿಗೆ ಅತ್ಯುತ್ತಮ ಸಾಧನೆ ಮಾಡಿದ ಸಂಸ್ಥೆ, ಉದ್ಯಮಿ ಹಾಗೂ ವ್ಯಕ್ತಿಗಳನ್ನು ಗುರುತಿಸಿ ಗೌರವಿಸಲು ರಾಜ್ಯ ಸರ್ಕಾರ ಮುಂದಾಗಿದೆ. ಪ್ರವಾಸೋದ್ಯಮ ಇಲಾಖೆಯು 'ಕರ್ನಾಟಕ ಟೂರಿಸಂ ಅವಾರ್ಡ್-2026' ಏರ್ಪಡಿಸಿದ್ದು, 5 ಪ್ರಮುಖ ವಿಭಾಗಗಳಲ್ಲಿ ಒಟ್ಟು 35 ಪ್ರಶಸ್ತಿಗಳನ್ನು ನೀಡಲು ತೀರ್ಮಾನಿಸಿದೆ. 

ಈ ಬಗ್ಗೆ ಪ್ರವಾಸೋದ್ಯಮ ಸಚಿವ ಕೆ.ಜೆ.ಜಾರ್ಜ್ (K.J.George) ಮಾಹಿತಿ ನೀಡಿದ್ದಾರೆ. 'ಕರ್ನಾಟಕದ ಪ್ರವಾಸೋದ್ಯಮ ಕ್ಷೇತ್ರದಲ್ಲಿ ಸೇವೆ, ಗುಣಮಟ್ಟ, ನಾವೀನ್ಯತೆ, ಸುಸ್ಥಿರತೆ ಹಾಗೂ ಸುರಕ್ಷತೆಯನ್ನು ಉತ್ತೇಜಿಸುವುದು ಈ ಪ್ರಶಸ್ತಿಯ ಪ್ರಮುಖ ಉದ್ದೇಶವಾಗಿದೆ ಹೇಳಿದ್ದಾರೆ. 

5 ವಿಭಾಗ, 35 ಪ್ರಶಸ್ತಿಗಳು:

* ವಸತಿ & ಆತಿಥ್ಯ ವಿಭಾಗ: ಅತ್ಯುತ್ತಮ ಹೋಟೆಲ್, ರೆಸಾರ್ಟ್, ಬೂಟಿಕ್ ಸ್ಟೇ, ಹೆರಿಟೇಜ್ ಹೋಟೆಲ್, ರೆಸ್ಟೋರೆಂಟ್ ಸೇರಿದಂತೆ ಆತಿಥ್ಯ ಸೇವೆಗಳು.

* ಪ್ರವಾಸ ಸೇವಾ ವಿಭಾಗ: ಟೂರ್ ಆಪರೇಟರ್, ಟ್ರಾವೆಲ್ ಏಜೆಂಟ್, ಟೂರಿಸ್ಟ್ ಗೈಡ್, ಚಾಲಕ, ಪ್ರವಾಸೋದ್ಯಮ ಸಾರಥಿಗಳು ಹಾಗೂ ಸಾಹಸ ಪ್ರವಾಸೋದ್ಯಮ ಸಂಸ್ಥೆಗಳು:

* ಇವೆಂಟ್ ಮತ್ತು ಡೆಸ್ಟಿನೇಷನ್ ವಿಭಾಗ: ಹೆರಿಟೇಜ್ ತಾಣಗಳು, ವನ್ಯಜೀವಿ ತಾಣಗಳು & ಪ್ರವಾಸಿ ತಾಣಗಳ ಉತ್ತಮ ನಿರ್ವಹಣೆ.

* ಎಮರ್ಜಿಂಗ್ ಹಾಗೂ ನಿಚ್ ವಿಭಾಗ: ಸುಸ್ಥಿರ ಪ್ರವಾಸೋದ್ಯಮ, ಗ್ರಾಮೀಣ ಪ್ರವಾಸೋದ್ಯಮ, ತೋಟಗಾರಿಕೆ, ಸಾಹಸ, ವೈದ್ಯಕೀಯ ಮತ್ತು ಇಕೋ ಟೂರಿಸಂನಲ್ಲಿ ಹೊಸ ಪ್ರಯತ್ನಗಳು.

* ವಿಶೇಷ ಮಾನ್ಯತೆ ವಿಭಾಗ: ಜೀವಮಾನ ಸಾಧನೆ ಮತ್ತು ಪ್ರವಾಸೋದ್ಯಮಕ್ಕೆ ನೀಡಿದ ವಿಶೇಷ ಕೊಡುಗೆಗೆ ಗೌರವ.

ನಾಮನಿರ್ದೇಶನಕ್ಕೆ ಸೆ.17ರ ರಾತ್ರಿ 11.59 ರವರೆಗೆ ಅವಕಾಶವಿದೆ. ಆಸಕ್ತರು https://karnatakatourismawards.com ವೆಬ್‌ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು. ಪ್ರಶಸ್ತಿ ಪ್ರಧಾನ ಸಮಾರಂಭ ಸೆ.27 ವಿಶ್ವ ಪ್ರವಾಸೋದ್ಯಮ ದಿನದಂದು ಬೆಂಗಳೂರಿನಲ್ಲಿ ಜರುಗಲಿದೆ.