Asian Para Games-2026: ಬರೋಬ್ಬರಿ 114 ಪದಕ ಗೆದ್ದ ಭಾರತ!
Asian Para Games-2026: ಜಪಾನ್‌ನ ಐಚಿ–ನಗೋಯಾದಲ್ಲಿ ನಡೆದ ಏಷ್ಯನ್ ಪ್ಯಾರಾ ಗೇಮ್ಸ್-2026ಕ್ಕೆ ತೆರೆ ಬಿದ್ದಿದೆ. ಭಾರತವು 114 ಪದಕಗಳನ್ನು ಗೆದ್ದು, ಐತಿಹಾಸಿಕ ಸಾಧನೆ ಮಾಡಿದೆ.
Asian Para Games-2026: ಜಪಾನ್‌ನ ಐಚಿ–ನಗೋಯಾದಲ್ಲಿ ನಡೆದ ಏಷ್ಯನ್ ಪ್ಯಾರಾ ಗೇಮ್ಸ್-2026ಕ್ಕೆ ತೆರೆ ಬಿದ್ದಿದೆ. ಭಾರತವು 30 ಚಿನ್ನ, 35 ಬೆಳ್ಳಿ ಹಾಗೂ 49 ಕಂಚು ಸೇರಿದಂತೆ ಒಟ್ಟು 114 ಪದಕಗಳನ್ನು ಗೆದ್ದು, ಐತಿಹಾಸಿಕ ಸಾಧನೆ ಮಾಡಿದೆ. ಇದರೊಂದಿಗೆ ಪದಕಗಳ ಪಟ್ಟಿಯಲ್ಲಿ 4ನೇ ಸ್ಥಾನವನ್ನು ಪಡೆದುಕೊಂಡಿದೆ.
ಈ ಬಾರಿ ಭಾರತದ ಪರವಾಗಿ 168 ಪ್ಯಾರಾ ಅಥ್ಲೀಟ್‌ಗಳು ಭಾಗವಹಿಸಿದ್ದರು. ಇದು ಏಷ್ಯನ್ ಪ್ಯಾರಾ ಗೇಮ್ಸ್ ಇತಿಹಾಸದಲ್ಲೇ, ದೇಶದ ಅತ್ಯುತ್ತಮ ಪ್ರದರ್ಶನವಾಗಿದೆ.
2023ರ ಹ್ಯಾಂಗ್‌ಝೌನಲ್ಲಿ ನಡೆದ ಕ್ರೀಡಾಕೂಟದಲ್ಲಿದ್ದ ಭಾರತವು 108 ಪದಕಗಳನ್ನು ಜಯಿಸಿತ್ತು.
ಕರ್ನಾಟಕದ ಕ್ರೀಡಾಪಟುಗಳ ಸಾಧನೆ:
ಇದೇ 'ಏಷ್ಯನ್ ಪ್ಯಾರಾ ಗೇಮ್ಸ್'ನಲ್ಲಿ ರಾಜ್ಯದ ಕ್ರೀಡಾಪಟುಗಳು ಅಮೋಘ ಪ್ರದರ್ಶನ ನೀಡಿದ್ದು, 8 ಪದಕಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಸೌಮ್ಯ ಚಿನ್ನದ ಪದಕ, ರಾಧಾ ವೆಂಕಟೇಶ್ ಮತ್ತು ಶರತ್ ಮಾಕನಹಳ್ಳಿ ಬೆಳ್ಳಿ ಪದಕಕ್ಕೆ ಭಾಜನರಾಗಿದ್ದಾರೆ. ನಿರಂಜನ್ ಮುಕುಂದನ್, ಪಲ್ಲವಿ ಕಾಲುವೆಹಳ್ಳಿ, ಸುಹಾಸ್ ಎಲ್. ಯತಿರಾಜ್, ಸ್ವಾತಿಕ್ ಪಾಟೀಲ್ ಹಾಗೂ ತೇಜಸ್ ನಂದಕುಮಾರ್ ಕಂಚಿನ ಪದಕವನ್ನು ಗೆದ್ದಿದ್ದಾರೆ.
