Vanatvam Farmland: ನಗರದಿಂದ ದೂರ.. ಪ್ರಕೃತಿಗೆ ಹತ್ತಿರ.. ನಿಮ್ಮದೇ ನೆಮ್ಮದಿಯ ಹೊಸ ವಿಳಾಸ - 'ವನತ್ವಂ' ಫಾರ್ಮ್‌ ಲ್ಯಾಂಡ್‌

ಬೆಂಗಳೂರು: ನಗರದ ವೇಗದ ಬದುಕು, ಕಾಂಕ್ರೀಟ್ ಕಾಡು, ವಾಹನಗಳ ದಟ್ಟಣೆ, ನಿರಂತರ ಕೆಲಸದ ಒತ್ತಡ.. ಇವೆಲ್ಲದರ ನಡುವೆ ಪ್ರಕೃತಿಯ ಮಡಿಲಿನಲ್ಲಿ ಒಂದಿಷ್ಟು ನೆಮ್ಮದಿಯ ಬದುಕು ಕಟ್ಟಿಕೊಳ್ಳಬೇಕೆಂಬ ಹಂಬಲ ಇಂದು ಅನೇಕರಲ್ಲಿದೆ. ಇದೇ ಹಂಬಲಕ್ಕೆ ಹೊಸ ರೂಪ ನೀಡುತ್ತಿರುವ ಪರಿಕಲ್ಪನೆಯೇ 'ವನತ್ವಂ'.

ವನತ್ವಂ ಕೇವಲ ಫಾರ್ಮ್‌ಲ್ಯಾಂಡ್ ಯೋಜನೆಯಲ್ಲ. ಇದು 'ಸುಸ್ಥಿರ ನೈಸರ್ಗಿಕ ಕೃಷಿ'ಯನ್ನು ಆಧಾರವಾಗಿಟ್ಟುಕೊಂಡು, ಪ್ರಕೃತಿಯ ಬಗ್ಗೆ ಅತೀವ ಕಾಳಜಿ ಹೊಂದಿರುವ ಸಮಾನ ಮನಸ್ಕರ ಒಕ್ಕೂಟವಾಗಿ ರೂಪುಗೊಳ್ಳುತ್ತಿರುವ ಸಮುದಾಯ.

ಇಲ್ಲಿ ಭೂಮಿ ಕೇವಲ ಖರೀದಿ–ಮಾರಾಟದ ವಸ್ತುವಲ್ಲ. ಭೂಮಿಯೊಂದಿಗೆ ಸಂಬಂಧ ಬೆಳೆಸುವುದು, ಮರಗಳನ್ನು ಬೆಳೆಸುವುದು, ಸ್ಥಳೀಯ ಜೀವವೈವಿಧ್ಯವನ್ನು ಸಂರಕ್ಷಿಸುವುದು ಮತ್ತು ಮುಂದಿನ ಪೀಳಿಗೆಗೆ ಹಸಿರು ಪರಿಸರವನ್ನು ಉಳಿಸುವುದು ಮುಖ್ಯ ಆಶಯ.

ಒಂದು ವ್ಯಕ್ತಿಯ ಕನಸಲ್ಲ.. ಹಲವರ ಕನಸು:

ವನತ್ವಂನ ಹಿಂದೆ ಒಂದೇ ವ್ಯಕ್ತಿಯ ಪ್ರಯತ್ನವಿಲ್ಲ. ಹಲವು ಜನರ ಕನಸು, ಪರಿಶ್ರಮ, ಆಲೋಚನೆ ಮತ್ತು ಸೃಜನಶೀಲತೆಯ ಒಟ್ಟಾರೆ ಫಲವಾಗಿ ಈ ಪರಿಕಲ್ಪನೆ ರೂಪುಗೊಂಡಿದೆ.

ಸಾಫ್ಟ್‌ವೇರ್ ಕ್ಷೇತ್ರದಿಂದ ಪ್ರಕೃತಿಯತ್ತ ಮುಖ ಮಾಡಿದ ದೀಪಕ್ ಕಸ್ತೂರಿ ಮತ್ತು ದಿಲೀಪ್ ಕಸ್ತೂರಿ ಅವರು ಈ ಪರಿಕಲ್ಪನೆಗೆ ಮುನ್ನಡೆ ನೀಡುತ್ತಿದ್ದಾರೆ. ಆದರೆ ವನತ್ವಂನ ಬೆಳವಣಿಗೆಯ ಹಿಂದೆ ಹಲವು ಸಹಯಾತ್ರಿಗಳ ಕೊಡುಗೆಯಿದೆ. ದೀಪಕ್ ಅವರ ಸಹೋದರ ದಿಲೀಪ್ ಕೂಡ ಈ ಪ್ರಯತ್ನದಲ್ಲಿ ಕೈಜೋಡಿಸುತ್ತಿದ್ದಾರೆ.

ಹೀಗಾಗಿ ವನತ್ವಂ ಒಂದು ವ್ಯಕ್ತಿಯ ಹೆಸರಿನ ಬ್ರ್ಯಾಂಡ್‌ಗಿಂತಲೂ, ಒಟ್ಟಾಗಿ ಕನಸು ಕಾಣುವ ಮತ್ತು ಒಟ್ಟಾಗಿ ಪ್ರಕೃತಿಯನ್ನು ಕಟ್ಟುವ ಸಮುದಾಯದ ಬ್ರ್ಯಾಂಡ್ ಆಗಿ ಬೆಳೆಯುತ್ತಿದೆ.

100ಕ್ಕೂ ಹೆಚ್ಚು ಎಕರೆಗಳಲ್ಲಿ ವನತ್ವಂ:

ವನತ್ವಂನ ವಿವಿಧ ಯೋಜನೆಗಳು ಒಟ್ಟಾಗಿ 100ಕ್ಕೂ ಹೆಚ್ಚು ಎಕರೆ ಪ್ರದೇಶದಲ್ಲಿ ವಿಸ್ತರಿಸಿವೆ. ಮದ್ದೂರು ಸಮೀಪದ ಬೆಸಗರಹಳ್ಳಿಯ ಮಧುವನ ಸುಮಾರು 18 ಎಕರೆ, ಕಬಿನಿ ಸಮೀಪದ ಎನ್.ಬೇಗೂರು ಭಾಗದಲ್ಲಿರುವ ಅನಂತವನ ಸುಮಾರು 35 ಎಕರೆ, ಬೃಂದಾವನ ಸುಮಾರು 30 ಎಕರೆ, ಈಶವನ ಸುಮಾರು 6.5 ಎಕರೆ ಹಾಗೂ ಶುಕವನ ಸುಮಾರು 7 ಎಕರೆ ಪ್ರದೇಶವನ್ನು ಒಳಗೊಂಡಿವೆ.

ಪ್ಲಾಟ್‌ಗಳ ಸಂಖ್ಯೆಯ ಲೆಕ್ಕಾಚಾರಕ್ಕಿಂತ, ಒಟ್ಟಾರೆ ಹಸಿರು ಪ್ರದೇಶ ಮತ್ತು ಪ್ರಕೃತಿಯೊಂದಿಗೆ ನಿರ್ಮಾಣವಾಗುವ ಸಂಬಂಧವೇ ವನತ್ವಂನ ಪ್ರಮುಖ ಗುರುತು. ಈ ಸಮುದಾಯದೊಂದಿಗೆ ಈಗಾಗಲೇ ಸುಮಾರು 100 ಕುಟುಂಬಗಳು ಗುರುತಿಸಿಕೊಂಡಿದ್ದು, ಹಲವರು ತಮ್ಮ ಕನಸಿನ ಮನೆಗಳನ್ನು ನಿರ್ಮಿಸುವತ್ತ ಹೆಜ್ಜೆ ಇಟ್ಟಿದ್ದಾರೆ.

ಗೇಟೆಡ್ ಕಮ್ಯುನಿಟಿ ಅಲ್ಲ.. ನೇಚರ್ ಕಮ್ಯುನಿಟಿ:

ಸಾಮಾನ್ಯ ಗೇಟೆಡ್ ಕಮ್ಯುನಿಟಿಗಳಲ್ಲಿ ರಸ್ತೆಗಳು, ಕಟ್ಟಡಗಳು, ಕ್ಲಬ್‌ಹೌಸ್ ಮತ್ತು ಇತರೆ ಸೌಲಭ್ಯಗಳಿಗೆ ಆದ್ಯತೆ ಸಿಗುತ್ತದೆ. ಆದರೆ ವನತ್ವಂನ ಕಲ್ಪನೆ ವಿಭಿನ್ನ. ಇಲ್ಲಿ ಗೇಟೆಡ್ ಕಮ್ಯುನಿಟಿಯ ಪರಿಕಲ್ಪನೆಯನ್ನೇ ಪ್ರಕೃತಿಯೊಂದಿಗೆ ಜೋಡಿಸುವ ಪ್ರಯತ್ನ ನಡೆಯುತ್ತಿದೆ.

ಪ್ರತಿಯೊಂದು ಕುಟುಂಬಕ್ಕೂ ತನ್ನದೇ ಆದ ಜಾಗವಿದ್ದರೂ, ಅದರ ಸುತ್ತಲಿನ ಪರಿಸರ ಎಲ್ಲರಿಗೂ ಸಾಮೂಹಿಕವಾದದ್ದು. ಮರಗಳು, ಹಣ್ಣು-ಹಂಪಲು, ಸ್ಥಳೀಯ ಸಸ್ಯಗಳು, ಔಷಧೀಯ ಸಸ್ಯಗಳು, ಪಕ್ಷಿಗಳು, ಚಿಟ್ಟೆಗಳು, ಜೇನುನೊಣಗಳು ಮತ್ತು ಇತರ ಜೀವಿಗಳ ಸಹಬಾಳ್ವೆಗೆ ಅನುಕೂಲವಾಗುವ ವಾತಾವರಣ ನಿರ್ಮಿಸುವುದು ಉದ್ದೇಶ.

ಹೀಗಾಗಿ ಇದು ಕೇವಲ ಗೇಟೆಡ್ ಕಮ್ಯುನಿಟಿ ಅಲ್ಲ. ಪ್ರಕೃತಿಯನ್ನು ಕೇಂದ್ರವಾಗಿಟ್ಟುಕೊಂಡ 'ನೇಚರ್ ಕಮ್ಯುನಿಟಿ'. ಮರ ಉಳಿದರೆ ಹಕ್ಕಿ ಉಳಿಯುತ್ತದೆ. ವನತ್ವಂನ ಪ್ರಮುಖ ಚಿಂತನೆಗಳಲ್ಲಿ ಒಂದಾಗಿದೆ.

ಜೀವವೈವಿಧ್ಯ ಸಂರಕ್ಷಣೆ:

ಒಂದು ಮರವನ್ನು ನೆಡುವುದಷ್ಟೇ ಇಲ್ಲಿ ಉದ್ದೇಶವಲ್ಲ. ಯಾವ ಮರದಲ್ಲಿ ಯಾವ ಪಕ್ಷಿ ಗೂಡು ಕಟ್ಟುತ್ತದೆ? ಯಾವ ಮರದ ಹಣ್ಣು ಯಾವ ಪಕ್ಷಿಗೆ ಆಹಾರವಾಗುತ್ತದೆ? ಯಾವ ಸಸ್ಯಗಳು ಚಿಟ್ಟೆ ಮತ್ತು ಜೇನುನೊಣಗಳನ್ನು ಆಕರ್ಷಿಸುತ್ತವೆ? ಎಂಬುದನ್ನು ಅರ್ಥಮಾಡಿಕೊಂಡು ಪರಿಸರಕ್ಕೆ ಪೂರಕವಾದ ಸಸ್ಯಗಳನ್ನು ಬೆಳೆಸುವ ಚಿಂತನೆ ಇದರ ಹಿಂದೆಯಿದೆ.

ಏಕೆಂದರೆ ಒಂದು ಮರ ಕೇವಲ ಒಂದು ಮರವಲ್ಲ. ಅದು ಪಕ್ಷಿಯ ಗೂಡು, ಕೀಟದ ಆಶ್ರಯ, ಚಿಟ್ಟೆಯ ಆಹಾರ, ಮನುಷ್ಯನಿಗೆ ನೆರಳು ಮತ್ತು ಇಡೀ ಪರಿಸರ ವ್ಯವಸ್ಥೆಯ ಒಂದು ಪ್ರಮುಖ ಕೊಂಡಿ. ಮರ ಉಳಿದರೆ ಹಕ್ಕಿ ಉಳಿಯುತ್ತದೆ. ಹಕ್ಕಿ ಉಳಿದರೆ ಪರಿಸರ ಉಳಿಯುತ್ತದೆ ಎಂಬ ಸರಳವಾದ ಚಿಂತನೆ ವನತ್ವಂನ ಪ್ರಕೃತಿ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ.

ಭೂಮಿಯಲ್ಲಿ ಹೂಡಿಕೆಯಲ್ಲ.. ಪ್ರಕೃತಿಯಲ್ಲಿ ಹೂಡಿಕೆ:

ನಗರದಲ್ಲಿ ಅಪಾರ್ಟ್‌ಮೆಂಟ್ ಖರೀದಿಸಿದಾಗ ನಾಲ್ಕು ಗೋಡೆಗಳು ಸಿಗಬಹುದು. ಆದರೆ ಪ್ರಕೃತಿಯೊಂದಿಗೆ ಬೆಸೆದುಕೊಂಡ ಫಾರ್ಮ್‌ಲ್ಯಾಂಡ್‌ನಲ್ಲಿ ಭೂಮಿಯೊಂದಿಗಿನ ಒಂದು ಸಂಬಂಧ ಸಿಗುತ್ತದೆ. ಇಂದು ನೆಟ್ಟ ಸಸಿ ನಾಳೆ ಮರವಾಗುತ್ತದೆ. ಮರ ಬೆಳೆದಂತೆ ಪಕ್ಷಿಗಳು ಬರುತ್ತವೆ. ಚಿಟ್ಟೆಗಳು, ಜೇನುನೊಣಗಳು ಮತ್ತು ಸಣ್ಣ ಜೀವಿಗಳು ತಮ್ಮದೇ ಆದ ಪರಿಸರವನ್ನು ರೂಪಿಸಿಕೊಳ್ಳುತ್ತವೆ. ಹೀಗಾಗಿ ವನತ್ವಂನ ದೃಷ್ಟಿಯಲ್ಲಿ ಫಾರ್ಮ್‌ಲ್ಯಾಂಡ್ ಸ್ಥಿರ ಆಸ್ತಿ ಮಾತ್ರವಲ್ಲ. ಕಾಲಕ್ರಮೇಣ ಜೀವಂತವಾಗುವ ಆಸ್ತಿ.

ಇದು ಮುಂದಿನ ಪೀಳಿಗೆಗಾಗಿ:

ವಾರಾಂತ್ಯದ ವಿಹಾರದಿಂದ ಪರ್ಯಾಯ ಜೀವನಶೈಲಿಯತ್ತ ನಗರದಿಂದ ಸುಮಾರು 125 ಕಿಲೋಮೀಟರ್ ವ್ಯಾಪ್ತಿಯಲ್ಲಿರುವ ವನತ್ವಂನ ವಿವಿಧ ಪ್ರದೇಶಗಳು ವಾರಾಂತ್ಯದ ವಿಶ್ರಾಂತಿಗೆ ಮಾತ್ರ ಸೀಮಿತವಾಗಬೇಕೆಂಬ ಉದ್ದೇಶ ಹೊಂದಿಲ್ಲ. ಬೆಳಗ್ಗೆ ಹಕ್ಕಿಗಳ ಕಲರವದೊಂದಿಗೆ ದಿನ ಆರಂಭಿಸುವುದು, ಮರಗಳ ನೆರಳಿನಲ್ಲಿ ಸಮಯ ಕಳೆಯುವುದು, ಸ್ವಂತ ಜಾಗದಲ್ಲಿ ನೈಸರ್ಗಿಕ ಕೃಷಿ ಮಾಡುವುದು, ಮಕ್ಕಳಿಗೆ ಮಣ್ಣಿನ ಮತ್ತು ಪ್ರಕೃತಿಯ ಪರಿಚಯ ಮಾಡಿಸುವುದು. ಇವೆಲ್ಲವೂ ನಿಧಾನವಾಗಿ ಮರೆಯಾಗುತ್ತಿರುವ ಜೀವನಾನುಭವಗಳನ್ನು ಮರಳಿ ಪಡೆಯುವ ಅವಕಾಶ. ಈ ಹಿನ್ನೆಲೆ ವನತ್ವಂ ಒಂದು ಪರ್ಯಾಯ ಜೀವನಶೈಲಿಯ ಪ್ರಯೋಗವೂ ಹೌದು.

ಸುಸ್ಥಿರ ನೈಸರ್ಗಿಕ ಕೃಷಿಯ ಸಮುದಾಯ: 

ವನತ್ವಂನ ಮುಂದಿನ ಹೆಜ್ಜೆ ಕೇವಲ ಹೊಸ ಯೋಜನೆಗಳನ್ನು ರೂಪಿಸುವುದಲ್ಲ. ಈಗಾಗಲೇ ರೂಪುಗೊಂಡಿರುವ ಪ್ರದೇಶಗಳನ್ನು ಸುಸ್ಥಿರ ನೈಸರ್ಗಿಕ ಕೃಷಿ, ಜೀವವೈವಿಧ್ಯ ಸಂರಕ್ಷಣೆ ಮತ್ತು ಸಮುದಾಯದ ಸಹಭಾಗಿತ್ವದ ಮಾದರಿಗಳಾಗಿ ಬೆಳೆಸುವುದು. ಪ್ರಕೃತಿಯ ಬಗ್ಗೆ ಕಾಳಜಿ ಹೊಂದಿರುವ ಜನರು ಒಂದೆಡೆ ಸೇರುವುದು. ತಮ್ಮ ಜಾಗದಲ್ಲಿ ಹಸಿರು ಬೆಳೆಸುವುದು, ಸ್ಥಳೀಯ ಸಸ್ಯ ಮತ್ತು ಜೀವಿಗಳನ್ನು ಸಂರಕ್ಷಿಸುವುದು ಹಾಗೂ ತಮ್ಮ ಮಕ್ಕಳಿಗೆ ಪ್ರಕೃತಿಯೊಂದಿಗಿನ ಬದುಕಿನ ಅನುಭವ ನೀಡುವುದು. ಇದು ವನತ್ವಂನ ಸಮುದಾಯದ ಮೂಲ ಆಶಯ.

ನಗರದ ಒತ್ತಡದಿಂದ ಪ್ರಕೃತಿಯ ನೆಮ್ಮದಿಯತ್ತ..
ಭೂಮಿಯಲ್ಲಿ ಹೂಡಿಕೆಯಿಂದ ಜೀವವೈವಿಧ್ಯದಲ್ಲಿ ಹೂಡಿಕೆಯತ್ತ..
ವೈಯಕ್ತಿಕ ಆಸ್ತಿಯಿಂದ ಸಾಮೂಹಿಕ ಪ್ರಕೃತಿ ಕಾಳಜಿಯತ್ತ..
ಇದೇ ವನತ್ವಂ.

Day2day News ನವ ಮಾಧ್ಯಮದ ವೃತ್ತಿಪರ ಡಿಜಿಟಲ್‌ ಮಾಧ್ಯಮ ಸಂಸ್ಥೆ. ವೆಬ್‌ ನ್ಯೂಸ್‌ ಪೋರ್ಟಲ್‌ನಿಂದ ಹಿಡಿದು ಇನ್‌ಸ್ಟಾ, ಎಕ್ಸ್, ಫೇಸ್‌ಬುಕ್‌, ಯೂಟ್ಯೂಬ್‌, ನ್ಯೂಸ್‌ ಆಪ್‌ವರೆಗೆ ಎಲ್ಲ ಡಿಜಿಟಲ್‌ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸುದ್ದಿ - ಮಾಹಿತಿಯನ್ನು ಸರಳ, ಸಂಕ್ಷಿಪ್ತವಾಗಿ ನೀಡುತ್ತದೆ. ಜತೆಗೆ Day2day Short News ಕರ್ನಾಟಕದ ಮೊದಲ ಶಾರ್ಟ್‌ ಆಪ್‌. Swipe ಮಾಡಿ ಸುದ್ದಿ ಓದಿ. ನಮ್ಮ ಎಲ್ಲ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸುದ್ದಿ & ಜಾಹೀರಾತು ನೀಡಲು 7070708646ಗೆ ಸಂಪರ್ಕಿಸಿ.