ಹೀರೆಕಾಯಿ: ಇದರ ಪ್ರಯೋಜನಗಳೇನು?
Ridge Gourd: ಹೀರೆಕಾಯಿ ಸಾಕಷ್ಟು ಆರೋಗ್ಯಕಾರಿ ಪ್ರಯೋಜನಗಳನ್ನು ಹೊಂದಿದೆ.
'ಹೀರೆಕಾಯಿ' ವೈಜ್ಞಾನಿಕವಾಗಿ Luffa acutangula ಎಂದು ಕರೆಯಲ್ಪಡುವ ಅತ್ಯಂತ ಪೌಷ್ಟಿಕ, ಔಷಧೀಯ ಹಾಗೂ ಆರೋಗ್ಯದಾಯಕ ಬಳ್ಳಿ ತರಕಾರಿಯಾಗಿದೆ. ಕನ್ನಡದಲ್ಲಿ ಹೀರೆಕಾಯಿ, ಇಂಗ್ಲಿಷ್ನಲ್ಲಿ 'Ridge Gourd' ಎಂದು ಕರೆಯುತ್ತಾರೆ. ಇದು ಸೋರೆಕಾಯಿ ಬಳ್ಳಿಯ ಜಾತಿಗೆ ಸೇರಿದ್ದು, ಉಷ್ಣವಲಯದ ಪ್ರದೇಶಗಳಲ್ಲಿ ಹೆಚ್ಚಾಗಿ ಬೆಳೆಯುತ್ತದೆ. ಇದರ ಕಾಯಿ ಮೇಲೆ ಹತ್ತು ಉದ್ದನೆಯ ಗೆರೆಗಳು ಇರುವುದರಿಂದ ಹೀರೆಕಾಯಿ ಎಂಬ ಹೆಸರು ಬಂದಿದೆ.
ಆಯುರ್ವೇದದಲ್ಲಿ ಹೀರೆಕಾಯಿಯನ್ನು ಅತ್ಯಂತ ಶ್ರೇಷ್ಠ ಔಷಧೀಯ ಸಸ್ಯವೆಂದು ಪರಿಗಣಿಸಲಾಗಿದೆ. ಇದರ ಬೇರು, ಕಾಂಡ, ಎಲೆ, ಹೂವು, ಕಾಯಿ ಹಾಗೂ ಬೀಜ ಎಲ್ಲಾ ಭಾಗಗಳು ಔಷಧೀಯ ಅಂಶಗಳನ್ನು ಹೊಂದಿವೆ. ಇದು ಶೀತವೀರ್ಯ ಗುಣ ಹೊಂದಿದ್ದು, ದೇಹದ ಹೆಚ್ಚಿನ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ. ಪಿತ್ತವನ್ನು ಶಮನ ಮಾಡುತ್ತದೆ ಮತ್ತು ರಕ್ತವನ್ನು ಶುದ್ಧೀಕರಿಸುತ್ತದೆ.
ಔಷಧೀಯ ಗುಣಗಳು & ಆರೋಗ್ಯ ಲಾಭಗಳು:
ಜೀರ್ಣಕ್ರಿಯೆಗೆ ಉತ್ತಮವಾಗಿದೆ: ಹೀರೆಕಾಯಿಯಲ್ಲಿ ನೀರಿನಂಶ ಮತ್ತು ನಾರಿನಂಶ ಅಧಿಕವಾಗಿದ್ದು, ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಮಲಬದ್ಧತೆ, ಅಜೀರ್ಣ, ಹೊಟ್ಟೆ ಉಬ್ಬರವನ್ನು ನಿವಾರಿಸುತ್ತದೆ.
ಮಧುಮೇಹವನ್ನು ಹತೋಟಿಗೆ ತರುತ್ತದೆ: ಇದರಲ್ಲಿರುವ ಪೆಪ್ಟೈಡ್ & ಆಲ್ಕಲಾಯ್ಡ್ ಅಂಶಗಳು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತವೆ. ಇನ್ಸುಲಿನ್ ಕಾರ್ಯವನ್ನು ಸುಧಾರಿಸುತ್ತದೆ.
ಯಕೃತ್ತು & ಕಾಮಾಲೆಗೆ ಒಳ್ಳೆದು: ಆಯುರ್ವೇದದ ಪ್ರಕಾರ ಕಾಮಾಲೆ, ಯಕೃತ್ತಿನ ಊತ, ಯಕೃತ್ತು ಶುದ್ಧೀಕರಣಕ್ಕೆ ಹೀರೆಕಾಯಿ ರಸ ಅತ್ಯುತ್ತಮವಾಗಿದೆ. ಯಕೃತ್ತಿನ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತದೆ.
ತೂಕ ಇಳಿಕೆ ನೆರವಾಗುತ್ತದೆ: ಕಡಿಮೆ ಕ್ಯಾಲೋರಿ, ಹೆಚ್ಚು ನೀರು ಹಾಗೂ ನಾರು ಇರುವುದರಿಂದ ಹೊಟ್ಟೆ ತುಂಬಿದ ಅನುಭವ ನೀಡಿ, ತೂಕ ಇಳಿಸಲು ಸಹಕಾರಿಯಾಗಿದೆ.
ಚರ್ಮ & ಕೂದಲ ಆರೋಗ್ಯವನ್ನು ವೃದ್ಧಿಸುತ್ತದೆ: ಇದರಲ್ಲಿ ವಿಟಮಿನ್ ಸಿ, ಕಬ್ಬಿಣ, ಕ್ಯಾಲ್ಸಿಯಂ, ರಂಜಕ ಹೇರಳವಾಗಿದೆ. ಚರ್ಮದ ಮೊಡವೆ, ಕಲೆಗಳನ್ನು ಕಡಿಮೆ ಮಾಡಿ, ಕಾಂತಿ ಹೆಚ್ಚಿಸುತ್ತದೆ. ಕೂದಲು ಉದುರುವುದನ್ನು ತಡೆಯುತ್ತದೆ.
ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ: ನಿಯಮಿತ ಸೇವನೆಯಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ, ರಕ್ತಹೀನತೆ ನಿವಾರಣೆಯಾಗುತ್ತದೆ, ರಕ್ತದೊತ್ತಡ ಮತ್ತು ಹೃದಯದ ಆರೋಗ್ಯ ಸುಧಾರಿಸುತ್ತದೆ. ಮೂಲವ್ಯಾಧಿ, ಮೂತ್ರದ ಸೋಂಕಿಗೂ ಔಷಧಿಯಾಗಿದೆ.
ತಂಪು ಕಾರಕ: ಬೇಸಿಗೆಯಲ್ಲಿ ದೇಹಕ್ಕೆ ತಂಪು ನೀಡುವ ಅತ್ಯುತ್ತಮ ನೈಸರ್ಗಿಕ ಆಹಾರವಾಗಿಯೂ ಹೊರಹೊಮ್ಮಿದೆ.
ಬಳಕೆ & ಬೆಳೆಸುವ ವಿಧಾನ:
ಹೀರೆಕಾಯಿಯನ್ನು ಸಾಂಬಾರ್, ಪಲ್ಯ, ಚಟ್ನಿ, ದೋಸೆ, ಸೂಪ್, ಬಜ್ಜಿಯಲ್ಲಿ ಬಳಸುತ್ತಾರೆ. ಎಳೆಯ ಕಾಯಿ ಅಡುಗೆಗೆ ಉತ್ತಮ, ಬಲಿತ ಕಾಯಿಯನ್ನು ಸ್ನಾನದ ಉಜ್ಜುಗಕ್ಕೆ ಬಳಸುತ್ತಾರೆ. ಇದನ್ನು ಮನೆಯ ತೋಟದಲ್ಲಿ, ಮಡಿಕೆಯಲ್ಲಿ ಸುಲಭವಾಗಿ ಬೆಳೆಯಬಹುದು. ಚೆನ್ನಾಗಿ ಬಿಸಿಲು, ನೀರು ಮತ್ತು ಸಗಣಿ ಗೊಬ್ಬರ ಇದ್ದರೆ, 50-60 ದಿನಗಳಲ್ಲಿ ಫಸಲು ಬರುತ್ತದೆ.
