FiFA-2026: ಫ್ರಾನ್ಸ್ಗೆ ಭರ್ಜರಿ ಜಯ.. ಸೆಮಿಫೈನಲ್ಗೆ ಲಗ್ಗೆ
FiFA-2026: France Win, Entering Semi-Finals: ಫಿಫಾ ವಿಶ್ವಕಪ್ನ ಮೊದಲ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ ಗೆದ್ದು ಬೀಗದ್ದು, ಸೆಮಿಫೈನಲ್ನ್ನು ಪ್ರವೇಶಿಸಿದೆ.
ಅಮೆರಿಕ: ಇಲ್ಲಿನ ಬೋಸ್ಟನ್ನ ಜಿಲೆಟ್ ಕ್ರೀಡಾಂಗಣದಲ್ಲಿ ನಡೆದ ಫಿಫಾ ವಿಶ್ವಕಪ್ನ ಮೊದಲ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ (ಗುರುವಾರ) ಫ್ರಾನ್ಸ್ ಗೆದ್ದು ಬೀಗಿದೆ. ಮೊರಾಕೊ ವಿರುದ್ಧ 2-0 ಗೋಲುಗಳ ಅಂತರದಲ್ಲಿ ಜಯಿಸಿದೆ. ಇದರೊಂದಿಗೆ ಸೆಮಿಫೈನಲ್ಗೂ ಅಧಿಕೃತವಾಗಿ ಪ್ರವೇಶಿಸಿದೆ.
ಮೊದಲರ್ಧವು ತೀವ್ರ ಜಿದ್ದಾಜಿದ್ದಿನಿಂದ ಕೂಡಿತ್ತು. ಉಭಯ ತಂಡಗಳಿಗೆ ಯಾವುದೇ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ದ್ವಿತೀಯಾರ್ಧದಲ್ಲಿ ಫ್ರಾನ್ಸ್ ಕಂಬ್ಯಾಕ್ ಮಾಡಿತು. 60ನೇ ನಿಮಿಷದಲ್ಲಿ ಕೈಲಿಯನ್ ಎಂಬಾಪ್ಪೆ & 66ನೇ ನಿಮಿಷದಲ್ಲಿ ಔಸ್ಮೇನ್ ಡೆಂಬೆಲೆ ತಲಾ ಒಂದು ಗೋಲು ಬಾರಿಸಿ, ತಮ್ಮ ತಂಡಕ್ಕೆ ಜಯ ತಂದುಕೊಟ್ಟರು.
ಈ ಗೆಲುವಿನೊಂದಿಗೆ ಫ್ರಾನ್ಸ್ ನಾಯಕ ಕೈಲಿಯನ್ ಎಂಬಾಪೆ, ಪ್ರಸಕ್ತ ಟೂರ್ನಿಯಲ್ಲಿ 8ನೇ ಗೋಲು ಬಾರಿಸುವುದರೊಂದಿಗೆ 'ಗೋಲ್ಡನ್ ಬೂಟ್' ಪ್ರಶಸ್ತಿ ರೇಸ್ನಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
ಎರಡನೇ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸ್ಪೇನ್ ಹಾಗೂ ಬೆಲ್ಜಿಯಂ ತಂಡಗಳು ಸೆಣಸಲಿವೆ. ಈ ಪಂದ್ಯವು ಜುಲೈ 11ರ ಬೆಳಗ್ಗೆ 12:30 ಗಂಟೆಗೆ (ಭಾರತೀಯ ಕಾಲಮಾನ) ನಡೆಯಲಿದೆ.
