ಎಡಮಂಗಲ: ಶಾಲೆಗೆ ಡಯಾಸ್ ಹಸ್ತಾಂತರ

ಪುತ್ತೂರು: ಎಡಮಂಗಲದಲ್ಲಿ ದಿವಂಗತ ಮಾಧವ ಗೌಡ ವೈ ಎ ಏನಡ್ಕ ಚೆನ್ನಗಿರಿ ಇವರ ಸ್ಮರಣಾರ್ಥ ಅವರ ಧರ್ಮಪತ್ನಿ ಸುನಂದಾ ಮಾಧವ ಗೌಡ ಏನಡ್ಕ ಇವರ ಕೊಡುಗೆಯಾದ ಡಯಾಸ್ ಹಸ್ತಾಂತರ ಮತ್ತು ಎಲ್ಲಾ ಮಕ್ಕಳಿಗೆ ನೋಟ್ ಪುಸ್ತಕ, ಪೆನ್ನು ಮತ್ತು ಸ್ಕೆಚ್ ಪೆನ್ ವಿತರಣೆ ಕಾರ್ಯಕ್ರಮವು ಇಲ್ಲಿನ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಿತು.

ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು SDMC ಅಧ್ಯಕ್ಷರಾದ ಭಾಸ್ಕರ್ ಆಚಾರ್ಯ ಇವರು ವಹಿಸಿದ್ದರು. ಆನಂದ ಗೌಡ ವೈಎ ಇವರು ಪ್ರಾಸ್ತಾವಿಕ ನುಡಿಗಳೊಂದಿಗೆ ಕಾರ್ಯಕ್ರಮಕ್ಕೆ ಶುಭ ಹಾರೈಸಿದರು. ಎಡಮಂಗಲ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಅಧ್ಯಕ್ಷರಾದ ರಾಮಕೃಷ್ಣ ರೈ ಮಾಲೇಂಗ್ರಿ ಇವರು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ನಂತರ ಸುನಂದಾ ಮಾಧವ ಗೌಡ ಏನಡ್ಕ ಮತ್ತು ಕುಟುಂಬಸ್ಥರು ಡಯಾಸ್ ಅನ್ನು ಹಸ್ತಾಂತರಿಸಿದರು. ಇದೇವೇಳೆ ಮಕ್ಕಳಿಗೆ ಸಾಂಕೇತಿಕವಾಗಿ ನೋಟ್ ಪುಸ್ತಕ, ಪೆನ್ನು ಮತ್ತು ಸ್ಕೆಚ್ ಪೆನ್ನನ್ನು ವಿತರಿಸಿದರು. 

 SDMC ಸದಸ್ಯರಾದ ಶಿವಕುಮಾರ್ ಭಟ್ ಇವರು ಶುಭ ನುಡಿಗಳನ್ನಾಡಿದರು. ಕೊಡುಗೆ ನೀಡಿದ ಶ್ರೀಮತಿ ಸುನಂದಾ ಮಾಧವ ಗೌಡ ಏನಡ್ಕ ಇವರನ್ನು ಶಾಲು - ಹಾರ ಹಾಕಿ ಗೌರವಾರ್ಪಣೆ ಸಲ್ಲಿಸಲಾಯಿತು. ಅಧ್ಯಕ್ಷರಾದ ಭಾಸ್ಕರ್ ಆಚಾರ್ಯ ಇವರು ಅಧ್ಯಕ್ಷೀಯ ನುಡಿಗಳನ್ನಾಡಿದರು. ಕಾರ್ಯಕ್ರಮದಲ್ಲಿ ಜಯಶೀಲಾ ಏನಡ್ಕ, ಪದ್ಮನಾಭ ಏನಡ್ಕ, SDMC ಉಪಾಧ್ಯಕ್ಷರಾದ ಪವಿತ್ರ ನಡುಬೈಲು ಅತಿಥಿಗಳಾಗಿ ಭಾಗವಹಿಸಿದ್ದರು. ಶಾಲಾ ವಿದ್ಯಾರ್ಥಿಗಳು ಪ್ರಾರ್ಥಿಸಿದರು. ಮುಖ್ಯೋಪಾಧ್ಯಾಯರಾದ ಪಾರ್ವತಿ ಮೇಡಂ ಸ್ವಾಗತಿಸಿ, ಸಹಶಿಕ್ಷಕಿ ಹಂಸಾವತಿ ವಂದಿಸಿದರು. ಗೌರವ ಶಿಕ್ಷಕಿ ಸುಪ್ರೀತಾ ನಿರೂಪಿಸಿದರು. ಸುನಂದಾ ಮಾಧವ ಗೌಡ ಏನಡ್ಕ ಇವರು ಎಲ್ಲಾ ವಿದಾರ್ಥಿಗಳಿಗೆ ಲಾಡು ಮತ್ತು ಪಾಯಸದ ವ್ಯವಸ್ಥೆ ಮಾಡಿದ್ದರು. ಈ ಕಾರ್ಯಕ್ರಮದಲ್ಲಿ SDMC ಪದಾಧಿಕಾರಿಗಳು, ಪೋಷಕರು, ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ಅಡುಗೆ ಸಿಬ್ಬಂದಿ ಉಪಸ್ಥಿತರಿದ್ದರು