ಇಂದು ಚಿನ್ನ & ಬೆಳ್ಳಿ ಬೆಲೆ ಇಳಿಕೆ
Today Gold Price: ಚಿನಿವಾರ ಪೇಟೆಯಲ್ಲಿ ಇಂದು ಚಿನ್ನ ಹಾಗೂ ಬೆಳ್ಳಿ ಬೆಲೆಗಳು ಇಳಿಕೆಯಾಗಿವೆ. ಆದಾಗ್ಯೂ ಪ್ಲಾಟಿನಂ ದರ ಮಾತ್ರ ಸ್ಥಿರವಾಗಿದೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.
ಬೆಂಗಳೂರು: ಚಿನಿವಾರ ಪೇಟೆಯಲ್ಲಿ ಇಂದು (ಶನಿವಾರ) ಚಿನ್ನ ಹಾಗೂ ಬೆಳ್ಳಿ ಬೆಲೆಗಳು ಇಳಿಕೆಯಾಗಿವೆ. ಆದಾಗ್ಯೂ ಪ್ಲಾಟಿನಂ ದರ ಮಾತ್ರ ಸ್ಥಿರವಾಗಿದೆ.
ರಾಜ್ಯದಲ್ಲಿ 24 ಕ್ಯಾರೆಟ್ನ 10 ಗ್ರಾಂ ಚಿನ್ನದ ಬೆಲೆ ರೂ.490 ಇಳಿಕೆಯಾಗಿ ರೂ.1,44,330 ಆಗಿದೆ. 22 ಕ್ಯಾರೆಟ್ನ 10 ಗ್ರಾಂ ಚಿನ್ನದ ದರ ರೂ.450 ಕಡಿಮೆಯಾಗಿ ರೂ.1,32,300ಕ್ಕೆ ತಲುಪಿದೆ. 18 ಕ್ಯಾರೆಟ್ನ 10 ಗ್ರಾಂ ಚಿನ್ನದ ಬೆಲೆ ರೂ.370 ಇಳಿಕೆಯಾಗಿ ರೂ.1,08,250 ಆಗಿದೆ.
ಅದೇ ರೀತಿಯಲ್ಲಿ 1 ಕೆಜಿ ಬೆಳ್ಳಿ ದರ ರೂ.5,000 ಕಡಿಮೆಯಾಗಿ ರೂ.2,35,000ಕ್ಕೆ ಬಂದಿದೆ. 10 ಗ್ರಾಂ ಪ್ಲಾಟಿನಂ ರೂ.49,970 ಬೆಲೆಯಲ್ಲಿ ಮಾರಾಟವಾಗುತ್ತಿದೆ.
ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಏರಿಳಿತ:
ಇದೇ ಜುಲೈನ ಮೊದಲ 10 ದಿನಗಳಲ್ಲಿ ಚಿನ್ನ ಹಾಗೂ ಬೆಳ್ಳಿಯ ಚಿಲ್ಲರೆ ಬೆಲೆಯಲ್ಲಿ ಏರಿಳಿತ ಕಂಡುಬಂದಿದೆ. ಚಿನ್ನದ ದರ 10 ಗ್ರಾಂಗೆ ರೂ.2,082 ಏರಿಕೆಯಾಗಿ ರೂ.1,43,368ಕ್ಕೆ ತಲುಪಿದೆ. ಬೆಳ್ಳಿಯ ಬೆಲೆಯು ಒಂದು ಕೆಜಿಗೆ ರೂ.5,035 ಇಳಿಕೆಯಾಗಿ ರೂ.2,20,390ಕ್ಕೆ ಬಂದಿದೆ.
ಜುಲೈ 3 ರಂದು ಚಿನ್ನ ಮತ್ತು ಬೆಳ್ಳಿ ದರಗಳು ಗರಿಷ್ಠ ಮಟ್ಟಕ್ಕೆ ತಲುಪಿದ್ದವು. ಕ್ರಮವಾಗಿ 10 ಗ್ರಾಂಗೆ ರೂ.1,46,344 ಹಾಗೂ ಒಂದು ಕೆಜಿಗೆ ರೂ.2,33,858 ಬೆಲೆ ದಾಖಲಾಗಿತ್ತು.
