Fauzi: ಡಿ. 3ಕ್ಕೆ ಪ್ರಭಾಸ್ ನಟನೆ 'ಫೌಜಿ' ಬಿಡುಗಡೆ
Actor Prabhas Fauzi Film: ತೆಲುಗಿನ ಸ್ಟಾರ್ ನಟ ಪ್ರಭಾಸ್ ನಟನೆಯ ಪ್ಯಾನ್-ಇಂಡಿಯಾ ಸಿನಿಮಾ 'ಫೌಜಿ' ಡಿಸೆಂಬರ್ 3 ರಂದು ಬಿಡುಗಡೆಯಾಗಲಿದೆ.
ಹೈದರಾಬಾದ್: ತೆಲುಗಿನ ಸ್ಟಾರ್ ನಟ ಪ್ರಭಾಸ್ ನಟನೆಯ ಪ್ಯಾನ್-ಇಂಡಿಯಾ ಸಿನಿಮಾ ಫೌಜಿ (Fauzi) ಬಿಡುಗಡೆಗೆ ದಿನಾಂಕ ನಿಗದಿಯಾಗಿದೆ. ಈ ಚಿತ್ರವು ವಿಶ್ವಾದ್ಯಂತ ಡಿಸೆಂಬರ್ 3 ರಂದು ರಿಲೀಸ್ ಆಗಲಿದೆ.
ಇದು 'ಆಜಾದ್ ಹಿಂದ್ ಫೌಜ್' ಪಡೆಯ ಸೈನಿಕನೊಬ್ಬನ ಕಥೆಯಾಗಿದ್ದು, ಬಿಗ್ ಬಜೆಟ್ನಲ್ಲಿ ಸಿದ್ಧಗೊಳ್ಳುತ್ತಿದೆ. ಖ್ಯಾತ ನಿರ್ದೇಶಕ ಹನು ರಾಘವಪುಡಿ ಆಕ್ಷನ್ ಕಟ್ ಹೇಳಿದ್ದು, ಮೈತ್ರಿ ಮೂವಿ ಮೇಕರ್ಸ್ ನಿರ್ಮಿಸುತ್ತಿದೆ.
ಪ್ರಭಾಸ್ ಅವರಿಗೆ ಇಮಾನ್ವಿ ನಾಯಕಿಯಾಗಿದ್ದಾರೆ. ಅನುಪಮ್ ಖೇರ್, ಮಿಥುನ್ ಚಕ್ರವರ್ತಿ ಹಾಗೂ ಜಯಪ್ರದಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದೇ ವರ್ಷದ ಜನವರಿ 9 ರಂದು ಪ್ರಭಾಸ್ ನಟನೆಯ 'ದಿ ರಾಜಾಸಾಬ್' ಸಿನಿಮಾ ಬಿಡುಗಡೆಯಾಗಿತ್ತು. ಮೊದಲಿಗೆ ಉತ್ತಮ ಗಳಿಕೆ ಕಂಡಿತು. ಆದರೂ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ವಿಫಲವಾಯಿತು. ಒಟಿಟಿಯಲ್ಲಿ ಮಾತ್ರ ಭಾರೀ ವೀಕ್ಷಣೆ ಪಡೆದಿತ್ತು.
