ಸಂತ ಫಿಲೋಮಿನಾ  ಅನುದಾನಿತ ಪ್ರೌಢ ಶಾಲೆಯಲ್ಲಿ  ಕನ್ನಡ ರಾಜ್ಯೋತ್ಸವದ ಸಂಭ್ರಮಾಚರಣೆ

ಪುತ್ತೂರು: ಇಲ್ಲಿನ ಸಂತ ಫಿಲೋಮಿನಾ(Philomina) ಅನುದಾನಿತ ಪ್ರೌಢಶಾಲೆ ಮತ್ತು ಸಂತ ಫಿಲೋಮಿನಾ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ವತಿಯಿಂದ  ಕನ್ನಡ ರಾಜ್ಯೋತ್ಸವದ(Rajostava) ಆಚರಣೆಯನ್ನು ಅರ್ಥಪೂರ್ಣವಾಗಿ ನಡೆಸಸಲಾಯಿತು. ಈ ಕಾರ್ಯಕ್ರಮದ ಸಭಾಧ್ಯಕ್ಷತೆಯನ್ನು ಮುಖ್ಯ ಮುಖ್ಯ ಗುರುಗಳಾದ ವಂ. ಮ್ಯಾಕ್ಸಿಮ್ ಡಿಸೋಜ  ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಸಂತ ಫಿಲೋಮಿನಾ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ಶಿಕ್ಷಕಿ ಭಗಿನಿ ಮೆಲಿಟರವರು, ಸಂತ ಫಿಲೋಮಿನಾ ಆಂಗ್ಲ ಮಾಧ್ಯಮ  ಪ್ರಾಥಮಿಕ ಶಾಲಾ ಮುಖ್ಯ ಗುರುಗಳಾದ ಸಿಸ್ಟರ್ ಲೋರ ಪಾಯ್ಸ್, ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ನಾಡಗೀತೆ,ರಾಷ್ಟ್ರಗೀತೆಯ ಹಾಡುಗಳನ್ನು  ಹಾಡುವುದರ ಮೂಲಕ ದೇಶಕ್ಕೆ, ನಾಡಿಗೆ ಗೌರವವನ್ನು  ಸೂಚಿಸಲಾಯಿತು.

ದಿನದ ಮಹತ್ವದ ಕುರಿತು ಉಭಯ ಶಾಲೆಗಳ ವಿದ್ಯಾರ್ಥಿಗಳು ಸಂದೇಶವನ್ನು ರವಾನಿಸಿದರು. ಶಾಲಾ ಮುಖ್ಯ ಗುರುಗಳಾದ ವಂ.ಮ್ಯಾಕ್ಸಿಮ್ ಡಿಸೋಜರವರು ಅಧ್ಯಕ್ಷ ಸ್ಥಾನದಿಂದ ಮಾತನಾಡಿ, "ಕನ್ನಡ ನಾಡು - ಶ್ರೀಗಂಧದ ನಾಡು, ಚಿನ್ನದ ನಾಡು. ದೇಶಭಕ್ತಿಯೊಂದಿಗೆ ನಾಡಭಕ್ತಿಯನ್ನು ಬೆಳೆಸಿಕೊಳ್ಳಿ"ಎಂಬ ಕರೆಯನಿತ್ತರು.
 ಹಿರಿಯ ಶಿಕ್ಷಕಿ ಕಾರ್ಮಿನ್ ಪಾಯ್ಸ್ ರವರು ಅತಿಥಿ ಅಭ್ಯಾಗತರನ್ನು ಸ್ವಾಗತಿಸಿ, ಕಾರ್ಯಕ್ರಮವನ್ನು ನಿರೂಪಿಸಿದರು.
 ಶಿಕ್ಷಕಿ ಕುಮಾರಿ ಚೈತನ್ಯರವರು  ವಂದನಾರ್ಪಣೆಗೈದರು.

 ಉಭಯ ಶಾಲೆಗಳ ಶಿಕ್ಷಕ ಶಿಕ್ಷಕರೇತರ ಸಿಬ್ಬಂದಿ ವರ್ಗದವರು ಹಾಗೂ ವಿದ್ಯಾರ್ಥಿಗಳು ಹಾಜರಿದ್ದು ಕಾರ್ಯಕ್ರಮದ ಚಂದನಗೈದರು. ರಾಜ್ಯೋತ್ಸವದ ಸವಿನೆನಪಿಗಾಗಿ ಸಿಹಿತಿಂಡಿಯನ್ನು ಉಭಯ ಶಾಲೆಗಳ ಶಿಕ್ಷಕ- ಶಿಕ್ಷಕೇತರ ಸಿಬ್ಬಂದಿ ವರ್ಗದವರು ವಿತರಿಸುವಲ್ಲಿ ಸಹಕರಿಸಿದರು.