ತುಳುನಾಡ್ ಡ್ ತುಡರ್ ಪರ್ಬದಾನಿ 'ಕೈ ಕಂಜಿಲೆ ಪರ್ಬ'

ತುಳುನಾಡ್ ಬೆನ್ನಿದ ಬೂಡ್, ಅರಿ- ಬಾರ್ ಸಂಸ್ಕೃತಿದ ನೆಲ.  ತುಳುವರೆನ ಜೀವನ, ಆಚಾರ-ವಿಚಾರ, ಪರ್ಬೊ ಬುಕ್ಕೊ ನಂಬಿಕೆಲು ಮಾತೆಕ್ಕ್‌ಲಾ ಬೆನ್ನಿ (ಕೃಷಿ) ಮೂಲಾಧಾರ. ಇಂಚಿಪ್ಪ ತುಳುನಾಡ್ ಡ್ ದೀಪೋಲಿ ಮಾಮಲ್ಲ ಪರ್ಬ. 

ಕೃಷಿ ಸಂಸ್ಕೃತಿಡ್ ಬದುಕಿನ್ ತುಳುವೆರ್ ದೀಪೋಲಿ ಪರ್ಬದಾನಿ ಗೋ ಪೂಜೆಗೆ ಆತೇ ಮಹತ್ವ ಕೊರ್ಪೆರ್.  ಪರ್ಬೊದ ಅಮಾಸೆದಾನಿ ಬೆನ್ನಿ ಸಾಗೊಳಿಡ ರೈತೆರ್ ತಾನ್ ಕಂಡ ದಪ್ಪುನ ಅಂಚನೇ ಬೇತೆ ಬೇಲೆಗ್ ಪುಸೋರ್ತು ಮಲ್ತಾಡ್ ಎರು ಬೋರಿ ಕೈಕಂಜಲೆನ್ ದೆಕ್ದ್ ಕಿದೆತ್ತ ಗೊಬ್ಬರ ಪಿದಾಯಿ ಪಾಡ್ಡ್ ಕಿದೆ ಶುದ್ಧ ಮಲ್ತಾಡ್, ನಗ ನಾಯೆರ್ ಎರುಮುಟ್ಟುನ ಪಲಯಿ, ಕೊಟ್ಟು, ಪಿಕ್ಕಾಸ್, ಬಾರ್ ಮೆದ್ದುನ್ ಉಜ್ಜೆರ್ ಉಂದೆನ್ ಮಾತಾ ದೆಕ್ದ್ ಜಾಲದ ಬರಿತಿತ್ತಿನ ಬರೆಕಲಡ್ ಜೋಡನೆ ಮಲ್ತ್ ದೀಪೆರ್. ಅವೆಕ್ಕ್ ಅಡ್ಡೆಗ್ ಅರಿಕಡೆಯಿನ ಬಂದದ ನೀರ್‌  ತಲಿಪ್ಪುನ ಕ್ರಮ ಉಂಡು. 

ಪೆತ್ತದ ಕಾರ್  ನೀರ್ ಮೈತದ್, ಪೆತ್ತಲೆನಾ ಕೆಕ್ಕಿಲಿಗ್  ಪೂತಾ ಮಾಲೆ ಪಾಡ್ ದ್ 'ತಡ್ಪೆಡ್' ಬೊಲ್ಪು ದೀದ್ ಆರತಿ ಮಲ್ಪೆರ್ , ಮುಂಡೊಗ್ ಪ್ರಸಾದ್ ಪಾಡೆರ್ ಕೈ ಮುಗಿತ್, ಬಜಿಲ್, ಬೆಲ್ಲ, ದೋಸೆ , ತಿನ್ಪಾದ್  ಪೂಜೆ ಮಲೆಪ್ಪೆರ್.  

ಕಾಲ ಬದಲಾವೊಂದು ಬತ್ತಿಲೆಕನಾ ಪೇಂಟೆಡ್ ಬದುಕ್ ಕಟ್ಟೊನಿ ತುಳುವೆರ್ ಪಟಾಕಿ ಪುಡಾತ್‍ದ್, ಗೂಡು ದೀಪ , ಲೈಂಟಿಂಗ್ಸ್ ಪಾಡ್ಡ್ ಪರ್ಬ ಮಲ್ತ್ಂಡಲಾ, ಹಳ್ಳಿಡ್ ಇತ್ತೆಲಾ ಬುಳೆಕ್ಕಿ ಮರ ಪಾಡ್‍ದ್, ಬಲಿ ರಾಜೆನ್ ಲೆತ್ತ್‌ದ್, ಬಜಿಲ್ ದೀದ್ ಆಚರಣೆ ಮಲ್ಪುನವು ನಮಕ್ ತೂಯೆರೆ ತಿಕ್ಕುಂಡು. "ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ

 ಬಲಿಯೇಂದ್ರ ಕೊ.. ಬಲಿಯೇಂದ್ರ.. ಕೊ.. ಬಲಿಯೇಂದ್ರ.. ಕೊ.. ಬಲಿಯೇಂದ್ರ ಪನ್ಪಿನ ಲೆಪ್ಪು ಓರ್ಮೆಲಾ ಕೆಂದ್ ಬರ್ಪುಂಡ್