FIFA-2026: ಸ್ಪೇನ್ ತಂಡಕ್ಕೆ ಭರ್ಜರಿ ಜಯ.. ಫೈನಲ್ಗೆ ಎಂಟ್ರಿ
FIFA-2026: ಫಿಫಾ ವಿಶ್ವಕಪ್ನ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ ವಿರುದ್ಧ ಸ್ಪೇನ್ ಜಯ ಗಳಿಸಿದೆ.
ಅಮೆರಿಕ: ಇಲ್ಲಿನ ಟೆಕ್ಸಾಸ್ನ ಡಲ್ಲಾಸ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಫಿಫಾ ವಿಶ್ವಕಪ್ನ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಸ್ಪೇನ್ ಜಯ ಗಳಿಸಿದೆ. ಫ್ರಾನ್ಸ್ ವಿರುದ್ಧ 2-0 ಗೋಲುಗಳ ಅಂತರದಲ್ಲಿ ಈ ಪಂದ್ಯವನ್ನು ಗೆದ್ದು ಬೀಗಿದೆ.
ಈ ಪಂದ್ಯದ ಗೆಲುವಿಗಾಗಿ ಉಭಯ ತಂಡಗಳು ಜಿದ್ದಾಜಿದ್ದಿನ ಹೋರಾಟ ನಡೆಸಿದವು. ಆದಾಗ್ಯೂ ಸ್ಪೇನ್ ಸಂಪೂರ್ಣವಾದ ಹಿಡಿತ ಸಾಧಿಸಿತು. ಮೊದಲರ್ಧದ 22ನೇ ನಿಮಿಷದಲ್ಲಿ ಮೈಕೆಲ್ ಒಯರ್ಜಾಬಲ್, ಅದ್ಭುತವಾದ ಗೋಲು ಬಾರಿಸಿ, 1-0 ಮುನ್ನಡೆ ತಂದುಕೊಟ್ಟರು. ಆ ಬಳಿಕ ದ್ವಿತೀಯಾರ್ಧದ 58ನೇ ನಿಮಿಷದಲ್ಲಿ ಪೆಡ್ರೊ ಪೊರೊ, ಮತ್ತೊಂದು ಗೋಲು ಗಳಿಸಿ, ಗೆಲುವಿನ ದಡ ಮುಟ್ಟಿಸಿದರು.
ಕೈಲಿಯನ್ ಎಂಬಪ್ಪೆ ಹಾಗೂ ಉಸ್ಮಾನೆ ಡೆಂಬೆಲೆ ಅವರಂತಹ ಸ್ಟಾರ್ ಆಟಗಾರರಿದ್ದರೂ 'ಫ್ರಾನ್ಸ್' ಹೀನಾಯವಾಗಿ ಸೋಲು ಕಂಡಿತು.
ನಾಳೆ (ಜುಲೈ 16) ಬೆಳ್ಳಗೆ 12:30ಕ್ಕೆ ಎರಡನೇ ಸೆಮಿಫೈನಲ್ ಪಂದ್ಯ ಜರುಗಲಿದ್ದು, ಇಂಗ್ಲೆಂಡ್ ಹಾಗೂ ಅರ್ಜೆಂಟಿನಾ ತಂಡಗಳು ಮುಖಾಮುಖಿಯಾಗಲಿವೆ.
